Gürcü vəkil “Qarabağ”la bağlı dindirilir

Gürcüstanda iyul ayında avtomobilində meyiti aşkarlanan 23 yaşlı proqramçı Tamar Baçaliaşvilinin ailəsinin vəkili Mixeil Ramişvili Tbilisi Şəhər Məhkəməsində dindirilir.

“Report”un Gürcüstan bürosu xəbər verir ki, vəkilə verilən suallardan biri mobil telefonunda “Qarabağ” adı altında yazılan kontaktla bağlı olacaq.

Prokuror Davit Qumberidze bildirib ki, telefonda vacib dəlillər aşkarlanıb və bunlardan biri də “Qarabağ” adlı əlaqə nömrəsidir.

M.Ramişvili telefonunda “Qarabağ” adlı kontaktın olduğunu təsdiqləyib. O, telefonunun yaddaşına əlaqə nömrələrini müxtəlif adlar altında daxil etdiyini bildirib.