GUAM ekspertləri mütəşəkkil cinayətkarlıqla mübarizə sahəsində əməkdaşlığın inkişafını müzakirə ediblər

Bakı. 11 noyabr. REPORT.AZ/ Kiyevdə GUAM Katibliyində mütəşəkkil cinayətkarlıqla mübarizə sahəsində əməkdaşlığın inkişafı üzrə ekspertlərin İşçi Qrupunun ilk iclası keçirilib. "Report" GUAM mətbuat xidmətinə istinadən xəbər verir ki, görüş zamanı nümayəndə heyətləri milli qanunvericilik, operativ vəziyyət və GUAM-a üzv dövlətlərin mütəşəkkil cinayətkarlıqla mübarizə sahəsində tədbirlər haqqında məlumat mübadiləsi aparıblar.

Görüş iştirakçıları tərəflərin qarşılıqlı əlaqələrinin yaxşılaşdırılması üzrə bəzi məsələləri müzakirə ediblər, ekspertlərin İşçi görüşünün növbəti iclasını 2015-ci ilin ikinci yarısında keçirmək haqqında razılığa gəliblər.