“Global Firepower”: “Ukrayna dünyanın ən güclü 15 ordusundan biridir”

ABŞ-ın “Global Firepower” analitikləri tərəfindən hazırlanan dünyanın ən güclü ordularının illik reytinqində Ukrayna 145 ölkə arasında 15-ci yerdə qərarlaşıb.

"Report" UNIAN-a istinadən xəbər verir ki, əvvəlki reytinqin nəticələrinə görə bu ölkə 22-ci, 2020-ci ildə isə 27-ci yerdə olub.

Ekspertlər reytinqi tərtib edərkən hərbi hissələrin sayı, maliyyə vəziyyəti, maddi-texniki imkanlar və digər aspektləri nəzərə alaraq hər bir ölkənin qiymətləndirilməsini müəyyən etmək üçün 60-dan çox ayrı-ayrı amildən istifadə ediblər.

Reytinqin ilk onluğunda ABŞ, Rusiya, Çin, Hindistan, Böyük Britaniya, Şimali Koreya, Pakistan, Yaponiya, Fransa və İtaliya qərarlaşıb.