Ermənistanın diaspor komissarı yapon etnosunun "mənşəyini" tapıb

Ermənistanın diaspor işləri üzrə komissarı Zare Sinanyanın yaponların etnik mənşəyi barəsində gülünc iddia irəli sürüb.

“Report” “Novosti Armeniya”ya istinadən xəbər verir ki, Ermənistan Xarici İşlər Nazirliyinin mətbuat katibi Anna Naqdalyan sentyabrın 2-də keçirdiyi mətbuat konfransında bu məsələyə aydınlıq gətirməyə cəhd edib.

Onun sözlərinə görə, nazirlikdə Z.Sinanyanın yaponlar barədə verdiyi bəyanat araşdırılır.

Qeyd edək ki, bu günlərdə komissar əlində yaponların çinlilər və koreyalıların sintezindən əmələ gəldiyinə dair sübutu olduğuna dair bəyanat verib.  

Rəsmi Tokio bu bəyanata rəsmi səviyyədə bilərəkdən əhəmiyyət verməyib.