Ermənistanda universitet binasında yanğın olub

Bakı. 9 avqust. REPORT.AZ/ Yerevandakı Ermənistan Dövlət Politexnik Universitetinin binasında yanğın baş verib.

“Report” Ermənistan KİV-inə istinadən xəbər verir ki, yanğın binanın 3-cü və 4-cü mərtəblərində qeydə alınıb. 

Məlumata görə, hadisə zamanı 3-cü mərtəbədə sanitar qovşağı olan otağın tavanının 9 kv metri, kimyəvi laboratoriyanın tavanı, eləcə də kimyəvi maddələr saxlanılan yerin divarı və pəncərəsi yanıb.

Yanğının səbəbləri araşdırılır. 

Qeyd edək ki, Ermənistanın keçmiş prezidenti Robert Koçaryan bu universitetin məzunudur.