Ermənistanda koronavirusdan ölənlərin sayı 919-a yüksəlib

Ermənistanda daha 107 nəfərdə koronavirus aşkarlanıb.

“Report” xəbər verir ki, məlumatı ölkənin Səhiyyə Nazirliyinin Xəstəliklərə Nəzarət və Profilaktikası üzrə Milli Mərkəzi yayıb.

Bununla da Ermənistanda virusa yoluxanların sayı 45 969-a yüksəlib.

Qeyd olunub ki, ölkədə pandemiyadan ölənlərin sayı daha 3 nəfər artaraq 919-ə çatıb. İndiyədək 41 693 nəfər infeksiyadan sağalıb.

Hazırda Ermənistanda 3 075 aktiv koronavirus xəstəsi var.