Ermənistanda kənddə yanğın oldu, qayınana və gəlini öldü

Ermənistanda, Lusaxbyur kəndində baş verən yanğın nəticəsində 1928-ci ildə anadan olan qayınana Seda M. və 1963-cü ildə anadan olan gəlin Knraik M. yanaraq ölüblər.

“Report” “Novosti Armeniya”ya istinadən xəbər verir ki, bunu kəndin icra başçısı Mels Manukyan bildirib.

Onun sözlərinə görə, taxtadan olduğundan ev tez yanıb. Yanğın qonşu evlərə də keçib. Başqa evlərin dam örtüyü və pəncərələrinə ziyan dəyib.

Qadının oğlu və nəvəsi Rusiyadadır, onlar mövsümi işlə məşğul olurlar.