Ermənistanda ərzaq məhsulları bahalaşıb

Ermənistanda yanvar ayında illik inflyasiya 4,5 %, ötən ilin dekabr ayına nisbətən isə 2,2 % təşkil edib.

“Report” xəbər verir ki, bu barədə “Novosti Armeniya” Ermənistan Statistika Komitəsinə istinadən məlumat yayıb.

Bildirilir ki, bu ilin yanvar ayında 2020-ci ilin eyni dövrü ilə müqayisədə bitki yağlarının qiyməti 44,3 %, şəkər 40,7 %, yumurta 26,4 %, süd məhsulları 7,7 %, meyvə 12 %, tərəvəz 9,9 %, sarımsaq 95,4 %, qarışıq göyərti 53,5 %, çörək 7,9 %, un 12,5 %, alkoqollu içkilər və tütün məmulatları 6,8 % bahalaşıb.