Ermənistanda dövlət məmuru itkin düşüb

Bakı. 25 iyul. REPORT.AZ/ Ermənistanın Armavir vilayəti qubernatorunun müşaviri Manuk Simonyan itkin düşüb.

“Report” Ermənistan KİV-inə istinadən xəbər verir ki, bu barədə vilayət administrasiyasının mətbuat xidməti məlumat yayıb.

Polis onun axtarışı ilə bağlı əməliyyat-axtarış tədbiri həyata keçirir.

Ermənistan Polis İdarəsinin mətbuat xidmətinin rəisi Edqar Canonyan bildirib ki, təmsil etdiyi quruma Simonyanın itkin düşməsi haqqında məlumat iyulun 23-də daxil olub.