Ermənistanda deputatlığa namizəd iki ay müddətinə həbs edilib

İrəvanda məhkəmə deputatlığa namizəd Andranik Tevanyanın 2 ay müddətinə həbs olunması barədə qərar qəbul edib.

"Report" xəbər verir ki, bu barədə Ermənistanın İstintaq Komitəsi məlumat yayıb.

Daha əvvəl təqsirləndirilən şəxsin vəkili Aram Orbelyan bildirib ki, işin materiallarında dövlət sirrinin toplanması və ötürülməsinə dair hər hansı element yoxdur və bu səbəbdən cinayət işi əsassızdır.

Qeyd edək ki, "Çiçəklənən Ermənistan" partiyasından deputatlığa namizəd daha əvvəl dövlətə xəyanətdə ittiham olunub.

Ötən gün Ermənistan Mərkəzi Seçki Komissiyası prokurorluğa cinayət təqibinə başlamağa icazə verib. İrəvanın Avan və Nor-Nork rayon məhkəməsi bu gün istintaqın qətimkan tədbiri haqqında vəsatətini təmin edib.