Ermənistan parlamentinə yeni sədr seçilib

Ermənistan Milli Məclisinin sədri vəzifəsinə iqtidardakı Mülki Müqavilə Partiyasının nümayəndəsi, əvvəlki parlamentin sədr müavini Alen Simonian seçilib.

“Report” yerli KİV-ə istinadən xəbər verir ki, bunu parlamentin iclası zamanı hesablama komissiyasının sədri Narek Babayan bildirib. O qeyd edib ki, 107 millət vəkilindən səsvermədə iştirak edən 71-nin hamısı A.Simonianın lehinə səs verib.

Müxalifət partiyalarının parlamentdəki nümayəndələri səsvermədə iştirak etməyiblər.