Gürcüstanda azərbaycanlıların sıx yaşadıqları Dmanisi rayonunun meri Giorgi Tatuaşvili hakim Gürcü Arzusu Partiyasından qovulub.
“Report”un yerli bürosu xəbər verir ki, bu barədə partiyadan bildirilib.
Buna səbəb merin partiyanın nizamnaməsini kobud şəkildə pozması olub. Belə ki, G.Tatuaşvili rəqib namizədin seçki kampaniyasına dəstək verib.
Mer hakim partiyanın Dmanisi regional təşkilatının sədrliyindən də çıxarılıb.
Qeyd edək ki, G.Tatuaşvili 2017-ci ildə Dmanisinin meri seçilib.