Çin aviaşirkəti Şimali Koreyaya uçuşları dayandırıb

Bakı. 21 noyabr. REPORT.AZ/ Çinin "Air China" hava yolları şirkəti Şimali Koreyanın paytaxtı Pxenyana uşuşları dayandırıb. 

"Report" "Anadolu"ya istinadən xəbər verir ki, buna səbəb kimi kifayət qədər tələbin olmaması göstərilib. 

"Air China" şirkətindən aviareyslərin təkrar nə zaman həyata keçiriləcəyi barədə məlumat verilməyib. 

Qeyd edək ki, Çindən Şimali Koreya paytaxtına son olaraq noyabrın 20-də uçuş olub.