Avropa Komissiyasının sədri Kiyevdə səfərdədir

Avropa Komissiyasının Prezidenti Ursula fon der Lyayen Ukraynanın paytaxtı Kiyevə işgüzar səfərə gedib. Bu, onun müharibə başlayandan bəri Ukraynaya üçüncü səfəridir.

“Report” xəbər verir ki, bu barədə Avropa Komissiyasının sədri tviterdə yazıb.

O, Ukraynada çox dəyişikliklərin baş verdiyini qeyd edib: “Ukrayna indi Avropa İttifaqına namizəd ölkədir”.

Ursula fon der Lyayen məlumat verib ki, o, səfər zamanı Ukrayna Prezidenti Volodimir Zelenski və Baş nazir Denis Şmıqalla görüşəcək.