Ankarada Türkiyə və İran prezidentlərinin görüşü başlayıb

Bakı. 4 aprel. REPORT.AZ/ İran Prezidenti Həsən Ruhaninin Türkiyəyə rəsmi səfəri başlayıb.

“Report” xəbər verir ki, aprelin 4-də Türkiyə Prezidenti Rəcəb Tayyib Ərdoğan onu iqamətgahında qəbul edib.

Görüşdə Türkiyə prezidenti ilə İranın hökumət başçısı arasında ikitərəfli münasibətlərə dair məsələlər müzakirə olunur.

Bundan sonra Suriyadakı vəziyyətlə bağlı Türkiyə, Rusiya və İran prezidentləri arasında üçtərəfli görüş keçiriləcək.