Akar Şoyqu ilə əlavə görüş keçirmək niyyətində olduğunu açıqlayıb

Türkiyənin milli müdafiə naziri Hulusi Akar rusiyalı həmkarı Sergey Şoyqu ilə əlavə görüş keçirməyi planlaşdırdığını bildirib.

“Report” xəbər verir ki, bunu Akar “CNN Türk” telekanalının efirində deyib.

“Bir müddət sonra Rusiyanın müdafiə naziri Sergey Şoyqu və ukraynalı dostlarımızla əlavə görüş keçirəcəyik. Onlardan seçdikləri kadrları ən qısa zamanda bizim mərkəzə göndərmələrini gözləyirik. Mərkəz fəaliyyətə başlayan kimi əməliyyatın ümumi koordinasiyası buradan həyata keçiriləcək”, - deyə Akar bildirib.