Aİ-nin Cənubi Qafqaz üzrə xüsusi nümayəndəsi İrəvana gedib

Avropa İttifaqının (Aİ) Cənubi Qafqaz üzrə xüsusi nümayəndəsi Toivo Klaar yenidən Ermənistana gedib.

"Report" xəbər verir ki, bu barədə o, tviter səhifəsində yazıb.

"Liderlərin Münhen görüşündən sonra bir sıra məsləhətləşmələr üçün yenidən regiona qayıdıram. Səfərim İrəvandan başlayır. Uğurlu görüşləri səbirsizliklə gözləyin", - Toivo Klaar yazıb.

Xatırladaq ki, fevralın 18-də Münhendə Azərbaycan Prezidenti İlham Əliyevin Amerika Birləşmiş Ştatlarının Dövlət katibi Antoni Blinken və Ermənistanın baş naziri Nikol Paşinyan ilə birgə görüşü olub.