Sumqayıtda şəhidlərin xatirəsi yad olunub

Sumqayıtda şəhidlərimizin əziz xatirəsi bir dəqiqəlik sükutla yad edilib.

"Report" xəbər verir ki, şəhərin Şəhidlər xiyabanı, Sülh prospekti, Göyərçin abidəsi, Nəsimi abidəsi və digər yerlərdə vətəndaşların və avtomobillərin hərəkəti məhdudlaşdırılaraq şəhidlərimiz anılıb.

Anım mərasimi həmçinin Sumqayıt Cümə məscidində də təşkil olunub. Burada Vətən uğrunda canlarından keçən qəhrəman oğullarımızın xatirəsinə dualar oxunub.

Qeyd edək ki, Azərbaycan Ordusunun 44 gün müddətinə zəfərlə bitirdiyi Vətən müharibəsində 2 783 nəfər hərbi qulluqçumuz şəhid olub.