Səfir: “Böyük Britaniya Azərbaycanda minatəmizləmə prosesində fəal iştirak edir”

"Böyük Britaniya Azərbaycanda həyata keçirilən minatəmizləmə prosesində fəal iştirak edir".

“Report” xəbər verir ki, bunu jurnalistlərə Böyük Britaniyanın Azərbaycandakı səfiri Ceyms Şarp bildirib.

Onun sözlərinə görə, insanlar hələ də minaların qurbanına çevrildiyinə görə, bu proses Azərbaycan üçün son dərəcə vacibdir.

“Şadam ki, bir çox britaniyalı ekspert Azərbaycana dəstək göstərir, bir çox Böyük Britaniya şirkəti minatəmizləmə prosesində iştirak edir”,- səfir deyib.

O, insanların işğaldan azad edilmiş ərazilərə mümkün qədər tez qayıtmasının əhəmiyyətini vurğulayıb.