Müdafiə Nazirliyi: Ermənistanın kriminal rejimi kütləvi etirazlardan diqqəti yayındırmaq üçün yalan məlumatlar yayır

Bakı. 22 aprel. REPORT.AZ/ Ermənistan mətbuatında guya qoşunların təmas xəttinə yaxın ərazilərdə Azərbaycan Ordusunun canlı qüvvə və döyüş texnikasının aktiv hərəkəti barədə yayılan məlumatla bağlı Müdafiə Nazirliyinin Mətbuat Xidmətindən sorğuya cavab bildiriblər.

"Report" Müdafiə Nazirliyinə istinadən xəbər verir ki, bu məlumatlar həqiqəti əks etdirmir.

“Son günlər Ermənistanda güclənən kütləvi xalq etirazlarından ictimaiyyətin diqqətini yayındırmaq məqsədilə kriminal hərbi-siyasi rejim bu cür çirkin yalan və təxribat xarakterli müxtəlif məlumatlar yayır”, - deyə Müdafiə Nazirliyinin məlumatında qeyd edilir.