Gürcü hüquqşünas: “Azərbaycanın başına gələnləri Gürcüstan da yaşayıb”

"Gürcüstan həm Azərbaycanın İkinci Qarabağ müharibəsində qazandığı qələbənin sevincini, həm də işğaldan azad edilmiş ərazilərdəki dağıntıların səbəb olduğu kədəri bölüşür".

Bunu “Report”a Gürcüstan nümayəndə heyətinin tərkibində Cəbrayıla gəlmiş hüquqşünas Nino Lordkipanidze bildirib.

“Bu, həm sevinc, həm də kədər hissləridir. Azərbaycanın başına gələnlər Gürcüstanın da başına gəlib. Ona görə də sizin sevincinizi də, kədərinizi də bölüşürük”, - o, Azərbaycanın işğaldan azad edilmiş ərazilərinə səfərin yaratdığı təəssüratları bölüşərkən bildirib.

Hüquqşünas Azərbaycan və Gürcüstana sülh və əmin-amanlıq arzu edib, qonaqpərvərliyə görə minnətdarlığını bildirib.