İordaniyalı jurnalist minalardan istifadəyə görə cəzaları sərtləşdirməyə çağırıb

"Dinc əhali üçün böyük təhlükə yaradan minalardan istifadəyə görə cəzalar sərtləşdirilməlidir".

Bunu "Report"a açıqlamasında iordaniyalı jurnalist Fayez Raja Satea Azərbaycanın işğaldan azad edilmiş ərazilərinin minalarla çirklənməsini şərh edərkən deyib.

Jurnalist qeyd edib ki, Qarabağda minaların partlaması nəticəsində baş verən dağıntıların şahidi olub: "İnsan ədalətlə yaşamalıdır, müharibə aparmamalıdır. Ümumiyyətlə, minalar çox təhlükəlidir, çünki insanların hərəkətinə böyük maneə yaradırlar”.

Bununla belə, iordaniyalı jurnalist Qarabağda infrastrukturun fəal şəkildə bərpa edilməsinin şahidi olub: "Bu torpaqlara həyat yenidən qayıdır".