"
"Report" xəbər verir ki, bunu İndoneziyanın Azərbaycandakı səfiri Husnan Bey Fanani Qobu qəsəbəsində məcburi köçkün və qaçqınlarla görüşündə deyib.
Səfir həmçinin vurğulayıb ki, İndoneziya ölkənin Azərbaycandakı səfirliyinin timsalında həmişə, o cümlədən Ermənistan tərəfindən işğal olunmuş ərazilər məsələsində Azərbaycan xalqının yanında olacaq.
"Bu torpaqlar yalnız Azərbaycana məxsusdur. Bu, Azərbaycanın hüququdur. Bizim üçün həmişə belə olacaq", - deyə Husnan Bey Fanani bildirib.
Səfir həmçinin qəsəbənin sakinləri ilə görüşüb və onların yaşayış şəraiti ilə tanış olub.