Hikmət Hacıyev: "Diplomatik missiyalar hücum hədəfi olmamalıdır"

Azərbaycan Respublikası Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev "Twitter"dəki hesabında Azərbaycanın Xarkovdakı fəxri konsulluğunun silahlı hücuma məruz qalmasını pisləyib.

"Report" xəbər verir ki, Hikmət Hacıyev yazıb:

“Diplomatik missiyalar hücum hədəfi olmamalıdır. Şübhə erməni terror təşkilatlarının üzərinə düşür, çünki Ermənistan asimmetrik müharibəyə keçir. Biz Ukrayna hakimiyyətinin operativ reaksiyasını qiymətləndiririk”.

"Erməni terrorunun daha bir günahsız qurbanı. 16 yaşlı gənc Şahmalı bu gün Ermənistanın Azərbaycanın dinc sakinlərinə məqsədyönlü şəkildə hücumu nəticəsində Bərdədə öldürülüb. Bərdə döyüş əməliyyatları zonasından uzaqdır. Hərbi hücuma zərurət yox idi".

"Report" xəbər verir ki, bunları Azərbaycan Respublikası Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev özünün tvitter hesabında yazıb.

Hikmət Hacıyev UNİCEF-ə və Birləşmiş Millətlər Təşkilatının İnsan Haqları Şurasına bununla bağlı müraciət edib.

Yet another innocent victim of Armenia's terror.16 years old young gentlemen -Shahmali today was killed in Barda as a result of Armenia's targeted/delibarate attacks on Azerbaijani civilians. Barda is away from combat zone. There was no military necessity. @UNICEF @UNHumanRights pic.twitter.com/DbofcRtT2U

— Hikmet Hajiyev (@HikmetHajiyev) November 7, 2020

Hikmət Hacıyev Ermənistanın Azərbaycanın dinc əhalisinə qarşı hərbi cinayətlərinin dayanmadığını da bildirib. “Ermənistanın Bərdənin kəndinə hücumu nəticəsində yeniyetmə oğlan öldürülüb, Tərtər rayonunda daha bir dinc şəxs yaralanıb. Ermənistan tərəfindən öldürülmüş dinc sakinlərinin sayı artmağa davam edir”, - Hikmət Hacıyev digər paylaşımında yazıb.