​Gürcüstanın Azərbaycandakı səfiri: "Cənubi Qafqazda münaqişələrin həlli dinc yolla həyata keçirilməlidir"

Bakı. 7 avqust. REPORT.AZ/ "Cənubi Qafqazda baş verən münaqişələrin həlli dinc yolla həyata keçirilməlidir".

"Report" xəbər verir ki, bunu Gürcüstanın Azərbaycandakı səfiri Teymuraz Şaraşenidze jurnalistlərə açıqlamasında bildirib.

Onun sözlərinə görə, Cənubi Qafqaz kimi kiçik bir ərazidə qan tökməyin nəticələri Gürcüstanın hazırda üzərində hiss etdiyi xoşagəlməz sonluğa gətirib çıxara bilər.

Səfir, həmçinin Abxaziya dəmir yolunun açılması məsələsinə də toxunub.

Onun sözlərinə görə, bu məsələ heç kimlə müzakirə olunmayıb və heç kimlə də müzakirə olunmayacaq, çünki, bu dəmir yolunun siyasi motivləri də mövcüddur.