Guido Ambroso: “Böyük Qayıdış çərçivəsində minatəmizləmə ilə bağlı görüləcək çox iş var”

“Azərbaycan hökuməti "Böyük Qayıdış"ın dayanıqlı olması üçün zəruri elementləri düzgün müəyyən edib”.

“Report” xəbər verir ki, bunu BMT-nin Qaçqınlar üzrə Ali Komissarının Azərbaycandakı nümayəndəsi Guido Ambroso Azərbaycan Milli Şəhər Forumunda deyib.

O bildirib ki, “Böyük Qayıdış” proqramını həyata keçirməyə başlayan hökumətin vəzifələrindən biri təkcə ərazilərin minalardan təmizlənməsi və bərpası kimi böyük iş deyil, həm də gənclər üçün cəlbedici olacaq şəhər mərkəzinin yaradılmasıdır: “Bilirəm ki, bu, Ağdamla bağlı planın məqsədlərindən biridir”.

G.Ambroso azərbaycanlı keçmiş məcburi köçkünlər və bütün bu illər ərzində onların yaşamağa məcbur olduğu şəraitdən də danışıb.