Ermənistanın müharibədəki itkilərinin sayı artır

Сəbrayılda aparılan axtarışlar zamanı Ermənistan ordusunun ikinci Qarabağ müharibəsində məhv edilmiş daha 2 hərbi qulluqçusunun meyitinin qalıqları tapılıb.

Bu barədə “Report” Ermənistan mətbuatına istinadən xəbər verir.

Qeyd edilir ki, əsgərlərin şəxsiyyətləri məhkəmə-tibb ekspertizasından sona məlum olacaq.

Bununla da Azərbaycan ərazisində qalıqları tapılan erməni hərbçilərin ümumi sayı 1 654 nəfərə çatıb. Qeyd edək ki, bu rəqəm itkin hesab edilən erməni hərbçilərin sayıdır.