Ərdoğan hökumət üzvləri ilə Qarabağdakı vəziyyəti müzakirə edəcək

Bu gün Türkiyə Nazirlər Kabinetinin iclası keçiriləcək.

“Report” “Sabah”a istinadən xəbər verir ki, toplantıya Prezident Rəcəb Tayyib Ərdoğan sədrlik edəcək.

İclasda Azərbaycanın Dağlıq Qarabağ bölgəsində yaranmış son vəziyyət, atəşkəsə nəzarət etmək üçün yaradılacaq Türkiyə-Rusiya Birgə Monitorinq Mərkəzi ilə bağlı məsələ də müzakirə ediləcək.

Qeyd olunub ki, iclasda həmçinin koronavirus pandemiyasına qarşı mübarizə və Şərqi Aralıq dənizindəki son durum, xüsusilə karbohidrogen ehtiyatlarının kəşfiyyat-axtarış prosesləri, Şimali Kipr Türk Respublikasına ediləcək sərmayələr və digər mövzular müzakirəyə çıxarılacaq.