Baş Nazirin müavini: "Ermənilər Gəncəyə etdiklərinin cəzasını çox ağır ödəyir"

"Ermənilər Gəncədə törədikləri hadisəyə görə öz cazalarını çox ağır şəkildə alırlar və alacaqlar".

"Report"un Qərb Mərkəzinin məlumatına görə, bu sözləri Baş Nazirin müavini Əli Əhmədov Gəncə şəhərinə etdiyi səfər zamanı jurnalistlərə açıqlamasında bildirib.

"Əlbəttə, biz onlar kimi uşaq, mülki şəxsləri hədəf almırıq. Biz bunun cavabını döyüş meydanında veririk. Ermənilər Gəncəyə etdiklərinin cəzasını çox ağır ödəyirlər".

Qeyd edək ki, Baş Nazirin müavini zərər görən hər kəsə Yeni Azərbaycan Partiyası (YAP) tərəfindən maddi yardım ediləcəyini bildirib.