Bolqarıstan rəsmiləri Ağdam və Tərtərdə araşdırmalar aparıb

Bolqarıstan rəsmiləri Ağdam və Tərtərdə araşdırmalar aparıb Azərbaycanın İnsan Hüquqları üzrə Müvəkkili (Ombudsman) Səbinə Əliyeva və Bolqarıstan Respublikasının Ayrı-seçkiliyə qarşı Müdafiə Komissiyasının sədri Ana Cumaliyevanın rəhbərlik etdiyi nümayəndə heyəti bu gün Ağdam və Tərtər şəhərlərində yerində araşdır
Qarabağ
124
26 Oktyabr , 2021 19:03
Bolqarıstan rəsmiləri Ağdam və Tərtərdə araşdırmalar aparıb

Azərbaycanın İnsan Hüquqları üzrə Müvəkkili (Ombudsman) Səbinə Əliyeva və Bolqarıstan Respublikasının Ayrı-seçkiliyə qarşı Müdafiə Komissiyasının sədri Ana Cumaliyevanın rəhbərlik etdiyi nümayəndə heyəti bu gün Ağdam və Tərtər şəhərlərində yerində araşdırmalar aparıb.

Bu barədə "Report"a Ombudsman Aparatından məlumat verilib.

Beynəlxalq əməkdaşlıq çərçivəsində həyata keçirilmiş səfər zamanı Ağdamda işğal dövründə Ermənistan tərəfindən dağıdılmış, talan edilmiş yaşayış məntəqələrinə, sosial obyektlərə, tarixi və dini abidələrə baxış keçirilib.

Nümayəndə heyəti Ağdam Cümə və Qiyaslı məscidlərinə baş çəkərək, işğal zamanı Ermənistanın dini abidələri dağıtması və təhqir etməsi faktları ilə yerində tanış olub. Daha sonra Pənahəli xanın məqbərəsinin, Çörək muzeyinin binalarına baxış keçirilib, nümayəndə heyətinə həmin abidələrin tarixi və işğal dövründə qəsdən dağıdılması ilə bağlı məlumat verilib. Bununla yanaşı, Ağdamda Şəhidlər xiyabanı ziyarət edilib.

Daha sonra nümayəndə heyətinin yerində araşdırmaları Tərtər şəhərində davam etdirilib. Ötən il Vətən müharibəsi dövründə şəhərdə ağır artilleriya hücumlarına məruz qalmış yaşayış evlərinə baxış keçirilib. Həmin müharibə dövründə Tərtər şəhər qəbiristanlığının atəşə tutulması nəticəsində dağılmış qəbirlərə də baş çəkilib.

Yekunda nümayəndə heyətinə Ermənistanın həmin dövrdə Tərtərdə mülki obyektləri hədəfə aldığı raket və digər partlamamış sursat qalıqları nümayiş etdirilərək, ətraflı məlumat verilib.

14.15

Ombudsman Səbinə Əliyeva və Bolqarıstanın Ayrı-seçkiliyə qarşı Müdafiə Komissiyasının sədri Ana Cumaliyevanın rəhbərlik etdiyi nümayəndə heyəti işğaldan azad olunmuş Ağdam şəhərinə səfər edib.

Bu barədə "Report"a Ombudsman Aparatından məlumat verilib.

Bildirilib ki, səfərin məqsədi uzun illər Ermənistanın işğal altında saxladığı bu ərazidəki mövcud vəziyyətlə yerində tanış olmaq, işğal dövründə minalanmış ərazilərə baxış keçirməkdir.

Son xəbərlər

Orphus sistemi