Ermənistan silahlı qüvvələrinin işğalından azad olunmuş Füzuli şəhərinə səfər edən Azərbaycandakı diplomatik korpusun nümayəndələri, o cümlədən səfirlər, hərbi attaşelər və beynəlxalq təşkilatların ölkəmizdəki nümayəndəliklərinin rəhbərləri Füzuli şəhərinin mərkəzinə, dağıdılmış mədəniyyət mərkəzinə, məscidə baş çəkərək, ermənilərin törətdikləri vandalizm aktları ilə yerindəcə tanış olublar.
“Report”un işğaldan azad edilmiş Füzuliyə ezam olunmuş müxbirinin verdiyi məlumata görə, ermənilər tərəfindən dağıdılmış mədəniyyət mərkəzinin qarşısında 27 il sonra skripka ilə mahnı ifa edilib.
Xarici diplomatlara həmçinin Füzulidə ermənilər tərəfindən dağıdılmış qədim Hacı Ələkbər məscidi nümayiş etdirilib.
Füzuli sakini Şərafət Hacıyeva 27 il sonra öz yurduna qayıtmasından sevincini ifadə edib. O, qeyd edib ki, Füzulini 1993-cü ildə tərk edib. Azərbaycan Ordusu Ali Baş Komandan, Prezident İlham Əliyevin rəhbərliyi altında işğal altında olan əraziləri, o cümlədən Füzuli rayonunu erməni işğalçılarından azad edib.
Qeyd edək ki, ölkəmizdəki diplomatik korpusun nümayəndələri, o cümlədən səfirlər, hərbi attaşelər və beynəlxalq təşkilatların Azərbaycandakı nümayəndəliklərinin rəhbərləri Ermənistan silahlı qüvvələrinin işğalından azad olunmuş Füzuli şəhərinə səfər ediblər.
Səfərin məqsədi diplomatları və hərbi attaşeləri Füzuli şəhərində Ermənistan silahlı qüvvələrinin törətdikləri vəhşiliklər, cinayət izləri ilə yerindəcə tanış etməkdir.
Ermənistan silahlı qüvvələrinin işğalından azad olunmuş Füzuli şəhərinə səfər edən Azərbaycandakı diplomatik korpusun nümayəndələri, o cümlədən səfirlər, hərbi attaşelər və beynəlxalq təşkilatların ölkəmizdəki nümayəndəlikləri rəhbərləri Füzulinin Kürdlər kəndində olublar.
“Report”un işğaldan azad edilmiş Füzuliyə ezam olunmuş müxbirinin verdiyi məlumata görə, Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev və Füzuli Rayon İcra Hakimiyyətinin başçısı Alı Alıyev ermənilərin kənddə törətdikləri vandalizm aktları, o cümlədən qəbiristanlıqdakı məzarları dağıtmaları barədə məlumat veriblər. Bununla yanaşı, ermənilərin tarixi, mədəni abidələri dağıtmaları diplomatların diqqətinə çatdırılıb.
Ölkəmizdəki diplomatik korpusun nümayəndələrinin, o cümlədən səfirlərin, hərbi attaşelərin və beynəlxalq təşkilatların Azərbaycandakı nümayəndəlikləri rəhbərlərinin Ermənistan silahlı qüvvələrinin işğalından azad olunmuş Füzuli şəhərinə səfəri başlayıb.
“Report”un işğaldan azad edilmiş Füzuliyə ezam olunmuş müxbirinin verdiyi məlumata görə, səfərin məqsədi diplomatları və hərbi attaşeləri Füzuli şəhərində Ermənistan silahlı qüvvələrinin törətdikləri vəhşiliklər, cinayət izləri ilə yerindəcə tanış etməkdir.
Qeyd edək ki, diplomatları və hərbi attaşeləri Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev, Birinci vitse-prezidentin köməkçisi Elçin Əmirbəyov və başqa rəsmi şəxslər müşayiət edirlər.
Diplomatik korpusun nümayəndələri, hərbi attaşelər və beynəlxalq təşkilatların nümayəndəliklərinin rəhbərləri Ermənistanın Füzuli şəhərində törətdiyi müharibə cinayətlərinin ağır nəticələri ilə tanış olublar. Onlar şəhərdə ermənilərin 27 il ərzində törətdikləri vəhşilikləri, vandalizmi öz gözləri ilə görüblər.
Diplomatlara məlumat verilib ki, ermənilər Füzulidə yaşayış məntəqələrini, qəbiristanlıqları, tarixi, mədəni abidələri dağıdıblar.
Bununla yanaşı, ermənilər bir vaxtlar Azərbaycanın ən inkişaf etmiş şəhərlərindən biri olan Füzulidə bir dənə də olsun salamat bina qoymayıblar.
Diplomatlara bildirilib ki, Füzuli sakinlərinin yurd həsrətinə 27 ildən sonra Azərbaycan Prezidenti, Müzəffər Ali Baş Komandan İlham Əliyevin rəhbərliyi ilə rəşadətli Ordumuzun qəhrəmanlığı sayəsində son qoyulub.
Foto: Elçin Murad
![](https://static.report.az/photo/6b075920-39e3-3655-b1ee-ad2a3bc5b4a9_300.jpg)
![](https://static.report.az/photo/40da7515-76d7-3fa8-ac6c-cf618d7dc5a2_300.jpg)
![](https://static.report.az/photo/d66b614b-1730-3b04-a4ed-1d81ad5a18b8_300.jpg)
![](https://static.report.az/photo/9fa5743a-7e13-35d5-807d-2651d2bc724a_300.jpg)
![](https://static.report.az/photo/baef6b13-51ad-3405-a55b-15dbf3da7bbc_300.jpg)
![](https://static.report.az/photo/e4a6c091-c272-3db7-8c46-faa4f6bbeada_300.jpg)
![](https://static.report.az/photo/17dcf3fd-7f5a-3e28-b4c7-2880a0764226_300.jpg)
![](https://static.report.az/photo/7509608d-1f90-33a3-be93-d0bb2eefd158_300.jpg)
![](https://static.report.az/photo/bc684ecc-71a6-3f53-92e8-a7f346fae2cb_300.jpg)
![](https://static.report.az/photo/31f4efa6-57d4-3d6f-a713-1f86a9f11c82_300.jpg)
![](https://static.report.az/photo/237d0161-6695-3dff-9828-c9244549270b_300.jpg)
![](https://static.report.az/photo/9ead3ea3-37c3-39fe-a483-c3b147ecb8ae_300.jpg)
![](https://static.report.az/photo/d350df43-9465-3e6b-a0f5-e3e472abb8ed_300.jpg)
![](https://static.report.az/photo/c9500c18-c887-32d3-abe6-0a9bff28b77f_300.jpg)
![](https://static.report.az/photo/a16ffee6-0567-360c-9bf5-c6b6033d4876_300.jpg)
![](https://static.report.az/photo/89ddedff-b11b-3996-ba4a-687743a127cf_300.jpg)
![](https://static.report.az/photo/3391a34a-66ee-388d-86e7-6c802d3b3087_300.jpg)
![](https://static.report.az/photo/2272416c-670d-3f4d-be80-409b5b5f7a85_300.jpg)