İyulun 16-da Azərbaycan-Ermənistan dövlət sərhədinin Tovuz rayonu istiqamətində aktiv döyüş əməliyyatları nəticəsində şəhid olan Azərbaycan Ordusunun müddətdən artıq həqiqi hərbi xidmət hərbi qulluqçusu əsgər İsmayılov Nazim Əfqan oğlu dəfn edilib.
"Report"un məlumatına görə, şəhid doğulduğu Ağstafa rayonunun Kolxəlfəli kənd qəbiristanlığında torpağa tapşırılıb.
Dəfn mərasimində Ağstafa Rayon İcra Hakimiyyətinin rəhbərliyi, rayon ictimaiyyətinin nümayəndələri iştirak edib.
Qeyd edək ki, iyulun 16-sı səhər saat 05:45-dən başlayaraq Azərbaycan-Ermənistan dövlət sərhədinin Tovuz rayonu istiqamətində aktiv döyüş əməliyyatları keçirilir.
Hazırkı vaxtadək davam edən döyüşlərdə düşmənin 20-yə yaxın canlı qüvvəsi, 1 zirehli texnikası, 1 radioelektron mübarizə (REM) vasitəsi, döyüş postları və dayaq məntəqəsi bölmələrimizin sərrast atəşi ilə məhv edilib.
Döyüşlər zamanı Azərbaycan Ordusunun müddətdən artıq həqiqi hərbi xidmət hərbi qulluqçusu əsgər İsmayılov Nazim Əfqan oğlu şəhid olub.
Allah rəhmət eləsin!
![](https://static.report.az/photo/0bb13c0b-da4c-3372-a398-eb1c744a8468_300.jpg)
![](https://static.report.az/photo/73b370cf-8b22-38d9-8df3-2363fbbb9b87_300.jpg)
![](https://static.report.az/photo/131e8173-a5c9-34c2-84f6-13e44143704b_300.jpg)
![](https://static.report.az/photo/babf0a2a-6578-36b1-a6f2-1e44bef1e3c2_300.jpg)
![](https://static.report.az/photo/685b02e0-e86f-393a-bb4e-dca5bdb5ef11_300.jpg)