Azərbaycan ermənilərin daha bir pilotsuz uçan aparatını məhv edib

Bakı. 25 dekabr. REPORT.AZ/ Azərbaycan tərəfi düşmənin daha bir pilotsuz uçan aparatını məhv edib. Bu barədə “Report”a Azərbaycan Müdafiə Nazirliyinin mətbuat xidmətindən bildirilib.

Belə ki, dekabrın 25-də saat 11:45 radələrində Tərtər rayonu istiqamətində Ermənistan silahlı qüvvələrinə məxsus pilotsuz uçan aparat aşkarlanaraq Azərbaycan bölmələri tərəfindən sərrast atəşlə dərhal məhv edilib.