Avropa İttifaqı Şurasının sədri: "Qarabağ münaqişəsi ilə bağlı status-kvo uzun müddət belə qala bilməz”

Bakı. 5 mart. REPORT.AZ/ “Əminik ki, Dağlıq Qarabağ münaqişəsi ilə bağlı status-kvo uzun müddət belə qala bilməz”.

“Report” Ermənistan KİV-inə istinadən xəbər verir ki, bunu Avropa İttifaqı Şurasının sədri Donald Tusk martın 5-də Brüsseldə Ermənistanın Baş naziri Nikol Paşinyanla keçirdiyi birgə mətbuat konfransında bildirib.

“İki tərəf arasında danışıqlar prosesi və təmaslar ümidi artırır. Əminik ki, status-kvo uzun müddət belə qala bilməz. Beynəlxalq hüquq normaları çərçivəsində münaqişənin siyasi həllinin tapılması vacibdir”, - deyə D.Tusk vurğulayıb.