Azərbaycanın atəşkəsdən sonra Ermənistana qaytardığı əsirlərin sayı açıqlanıb

"Hərbi əməliyyatlar dayandıqdan sonra tərəfimizdən 70-dən çox erməni əsiri qarşı tərəfə qaytarılıb".

Bu barədə "Report"a Azərbaycan Xarici İşlər Nazirliyindən məlumat verilib.

Bildirilib ki, bunun qarşılığında isə Ermənistan, çox çətinliklə əldə olunan kövrək sülhə zərbə vuraraq, əməliyyatlar dayandırılqdan demək olar ki, 20 gün sonra Azərbaycan ərazilərinə öz hərbçilərini yeridib: "Bu hərbçilərin törətdiyi terror aktı nəticəsində 4 azərbaycanlı hərbçi həlak olub, bir nəfər mülki şəxs isə yaralanıb".