Ağdam şəhərinin Baş planı təsdiqlənib

Ağdam şəhərinin 2040-cı ilədək inkişafına dair Baş planı təsdiq edilib.

"Report" xəbər verir ki, bununla bağlı Baş nazir Əli Əsədov qərar imzalayıb.

Qərar Dövlət Şəhərsalma və Arxitektura Komitəsinin təklifi nəzərə alınaraq qəbul edilib.

Qeyd edək ki, ötən il mayın 28-də Prezident İlham Əliyevin Ağdama səfəri zamanı Ağdam şəhərinin baş planı dövlət başçısına təqdim olunub. Həmin gün Prezident Ağdam şəhərinin bərpasının təməl daşını qoyub.