Yuxarı

​Olimpiya oyunlarında qaçqınlardan ibarət komanda da iştirak edəcək

Onların hansı idman növlərində çıxış edə biləcəkləri hələ ki, məlum deyil

Bakı. 28 yanvar. REPORT.AZ/ 5-10 nəfərlik qaçqın və miqrantlardan ibarət idman komandası Rio-de-Janeyroda keçiriləcək Yay Olimpiya Oyunlarında iştirak edəcək.

"Report" xəbər verir ki, bu barədə Beynəlxalq Olimpiya Komitəsinin prezidenti Tomas Bax məlumat verib.

Prezidentin sözlərinə görə, belə bir qərar qaçqınlara dəstək göstərmək üçün qəbul edilib. Bax bildirib ki, bu idmançıların onlara kömək edə biləcək öz olimpiya komitələri, vətənləri, milli bayraqları, himnləri yoxdur.

Bax güman edir ki, komanda kiçik olacaq.

Onların hansı idman növlərində çıxış edə biləcəkləri hələ ki, məlum deyil.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi