Yuxarı

​Azərbaycanlı məşqçinin yetirməsi Belarusa Olimpiya medalı qazandırıb

Cavid Həmzətov Rio-2016-da bürünc medal əldə edib

Bakı. 16 avqust. REPORT.AZ/ Belarusda yaşayan azərbaycanlı məşqçi Fərhad Məhərrəmovun yetirməsi Cavid Həmzətov 2016-cı il Rio-de-Janeyro Yay Olimpiya Oyunlarında bürünc medal qazanıb.

"Report"un məlumatına görə, 85 kq. çəki dərəcəsində çıxış edən Dağıstan əsilli pəhləvan Belarus yığmasının üzvü kimi mükafatçılar sırasında yer alıb.

O, mübarizəyə 1/8 final mərhələsindən başlayıb. Həmzətov çinli Fey Penqi 3:0, avstriyalı Amer Hrustanoviçi 4:0 hesabı ilə yendikdən sonra, yarımfinalda ukraynalı Jan Belenyuka uduzub - 0:3. Bununla belə, təsəlliverici görüşdə 27 yaşlı pəhləvan bolqarıstanlı Nikolay Bayryakova 4:1 hesabı ilə qalib gələrək, bürünc medalçı olub.

Qeyd edək ki, Fərhad Məhərrəmov uzun müddət Belarus yığmasının məşqçilər korpusunda yer alıb. Hazırda o, Minskdəki klublardan birində məşqçi kimi çalışır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi