Bakı 9° C
https://static.report.az/photo/adc0ff7b-a927-47a3-8e7c-38ce21441fa3.jpg
Bakı. 16 may. REPORT.AZ/ Bu gün Azərbaycan Beynəlxalq Qida Sənayesi - “WorldFood Azerbaijan 2018" sərgisi işə başlayıb.
"Report" xəbər verir ki, sayca 12-ci olan və mayın 18-nə qədər davam edəcək sərgidə dünyanın 20 ölkəsindən iştirakçılar geniş çeşidli məhsullarını nümayiş etdirir.
Bu sərgiyə paralel olaraq Xəzər Beynəlxalq Qablaşdırma, Tara, Etiket və Poliqrafiya “IPACK Caspian 2018” sərgisi də keçirilir. Sərginin iştirakçıları arasında tara və qablaşdırma, eləcə də onların istehsalı üçün müxtəlif həll variantlarını təklif edən Azərbaycan, İtaliya, Rusiya, Türkiyə və digər ölkələrin bir sıra şirkətləri yer alıb.
"Report" sərgilərdən hazırladığı fotoreportajı təqdim edir.
Foto: Elçin Murad
