Bakı-Qazax yolunun təmir gedən hissəsində yük maşını maneəyə çırpılıb - VİDEO

Bakı-Qazax avtomobil yolunun Hacıqabul rayonundan keçən hissəsində təmir işləri ilə əlaqədar olaraq, yol birtərəfli qaydada bağlanıb. 

"Report"un məlumatına görə, bununla bağlı həmin ərazidə məlumat lövhələri ilə yanaşı, plastik sədlər də quraşdırılıb. 

Hətta yolun təmir işləri aparılan hissəsində ötmə əməliyyatı qadağan olunub. Eyni zamanda sürət həddi endirilərək 50 km/saat müəyyənləşdirilib. Lakin bəzi sürücülər buna məhəl qoymayaraq təhlükə yaradıblar. Nəticədə təmir işləri aparılan ərazidə yüksək sürətlə hərəkətdə olan yük avtomobili idarəetmədən çıxaraq yolun hərəkət hissəsindəki daş və plastik maneəyə çırpılıb. Bununla da qarşıdan gələn nəqliyyat vasitəsi üçün təhlükə yaradıb. 

Bakı-Qazax yolunun təmir gedən hissəsində yük maşını maneəyə çırpılıb - VİDEO