Qudyalçay çayı donub - FOTOREPORTAJ

Quba. 23 dekabr. REPORT.AZ/ Qudyalçay çayı donub. 

"Report"un Şimal bürosunun verdiyi məlumata görə, son günlər Quba rayonu ərazisində hökm sürən şiddətli şaxtalar nəticəsində Qudyalçayın sol qolu Ağçay çayı rayonun Haput kəndi ərazisindən keçən hissəsində qalın buz təbəqəsi ilə örtülüb. Bu da kəndin rayon mərkəzi ilə bir müddət əlaqəsinin kəsilməsinə səbəb olub. Ancaq yerli sakinlər bel, lom, külüng və s. istifadə etməklə gediş-gəlişi yenidən bərpa ediblər. 

Qeyd edək ki, Haput kəndində 90-a yaxın ev var. Hazırda onların yalnız 25-də yaşayış mövcuddur.