Qubada ayı balası tapılıb - FOTO - VİDEOREPORTAJ

Bakı. 15 may. REPORT.AZ/ Quba rayonunda polis əməkdaşları tərəfindən bu ay iki ayı balası tapılıb.

"Report"un Şimal bürosunun verdiyi məlumata görə, ayı balasının biri may ayının 3-də, digəri isə bu gün Quba-Xınalıq yolunun Qırızdəhnə kənd ərazisində, yol kənarındakı meşə massivində tapılıb.

Ayı balaları Ekologiya və Təbii Sərvətlər Nazirliyinin Xızıdakı Altıağac Milli Parkında yerləşən Vəhşi Təbiətin Bərpası və Reabilitasıyası Klinikasına göndərilib. Bu ayı balası da müayinə və müalicə olunduqdan sonra vəhşi təbiətin qoynuna buraxılacaq.