Gəncəyə ilk qar yağıb - FOTOREPORTAJ

Bu mövsüm Gəncə şəhərinə ilk qar yağıb.

"Report"un Qərb bürosunun məlumatına görə, səhər saatlarından başlayaraq yağan qar hazırda davam edir.

İlk qarın yağması şəhər sakinlərinin, əsasən də, uşaqların sevincinə səbəb olub.

Yağıntı güclü olmadığından hələlik nəqliyyatın hərəkətində heç bir çətinlik yaranmayıb.

Yollarda nəqliyyatın hərəkəti normal şəkildə davam edir.

Qeyd edək ki, dekabrın 3-dən başlayaraq Azərbaycanın Qərb bölgəsində yağıntılı hava şəraiti müşahidə olunur.