Yuxarı

Siyavuş Novruzov: "Onun adını Milli Məclisdə çəkmək istəmirəm, buna layiq deyil"

Parlamentin komitə sədri: Hərbi xidmətdə olmayanlar Silahlı Qüvvələr haqqında qanundan danışırlar
© Report — Milli Məclisin İctimai birliklər və dini qurumlar komitəsinin sədri, hakim Yeni Azərbaycan Partiyası icra katibinin müavini Siyavuş Novruzov

Bakı. 15 dekabr. REPORT.AZ/ “Silahlı Qüvvələr Ali Baş Komandana tabedir. Bu sahəyə ictimai nəzarətin olmasının əleyhinəyəm. Bu iş hansı qeyri-hökumət təşkilatına tapşırılacaq, onların silahdan başı çıxırmı?”.

“Report”un xəbərinə görə, bunu Milli Məclisin İctimai birliklər və dini qurumlar komitəsinin sədri, hakim Yeni Azərbaycan Partiyası (YAP) icra katibinin müavini Siyavuş Novruzov parlamentin bu gün keçirilən iclasında "Azərbaycan Respublikasının Silahlı Qüvvələri haqqında" qanun layihəsinin ikinci oxunuşda müzakirəsi zamanı deyib.

O, orduya ictimai nəzarətin olması ilə bağlı təklifə etiraz edib: “Bəzən elə olur ki, hərbi xidmətdə olmayanlar hərbi haqqında qanundan danışırlar. Dünyada bu cür təcrübə var. Müqavilə əsasında formalaşan ordu olur, bu zaman ictimai nəzarətə ehtiyac yaranır". 

S.Novruzov bildirib ki, orduya mütəxəssis rəhbərlik etməlidir: “Bir dəfə orduya rəhbərliyi riyaziyyatçıya həvalə etdik, nəticəsini gördük. Nələrin baş verdiyi hamının yadındadır. Onun adını çəkmək istəmirəm, Milli Məclisə layiq deyil. Orduya profesionanal zabitlər rəhbərlik etməlidirlər. Media da Müdafiə Nazirliyinin yaydığı məlumatlara istinad etməlidir”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi