Qənirə Paşayeva: “Azərbaycandan kənarda yaşayan soydaşlarımızın bir çoxu latın əlifbasında oxuya bilmir”

“Azərbaycandan kənarda yaşayan soydaşlarımızın bir çoxu latın əlifbasında oxuya bilmir. Çünki onlar yaşadığı ərazilərdən asılı olaraq fərqli amillər səbəbindən əlifbanı öyrənməkdə çətinliklər çəkib”.

“Report” xəbər verir ki, bu fikirləri Milli Məclisin Mədəniyyət komitəsinin sədri Qənirə Paşayeva İctimai Televiziya və Radio Yayımları Şirkəti Yayım Şurasının üzvlüyünə namizədlikləri irəli sürülmüş şəxslərin seçilməsi məsələsinin müzakirəsi zamanı deyib.

Komitə sədri bildirib ki, bəzən soydaşlarımız internet vasitəsilə Azərbaycanla bağlı məlumatları oxuya bilmirlər:

“Evdə danışıq dili Azərbaycan dilində olduğundan məhz veriliş və proqramları izləyə bilirlər. Soydaşlarımız Azərbaycan dilini öyrədən verilişlərin olmasını istəyirlər”.