Ombudsman: "Tikinti şirkətlərinin qanuna əməl etməməsi işçilərin bəzi təminatlardan istifadəsinə imkan vermir"

Bakı. 19 aprel. REPORT.AZ/ 2017-ci ildə tikinti sektorunda baş vermiş 36 bədbəxt hadisə zamanı 17 nəfər ölüb, 24 nəfər xəsarət alıb.

"Report" xəbər verir ki, bu barədə Azərbaycanda İnsan hüquqlarının və azadlıqlarının təmin edilməsi və müdafiəsinin vəziyyəti haqqında Azərbaycan Respublikası İnsan Hüquqları üzrə Müvəkkilinin (Ombudsmanın) 2017-ci il üzrə illik məruzəsində bildirilib.

Bir çox hallarda müəssisə rəhbərlərinin, xüsusilə tikinti şirkətlərinin qanunvericiliyin tələblərinə əməl etməməsi işçilərin bəzi təminatlardan istifadəsinə imkan vermir.