MM komitəsinin işlər planına daxil edilən qanun layihələri məlum olub

Milli Məclisin (MM) Əmək və sosial siyasət komitəsinin 2020-ci il payız sessiyası üçün işlər planına daxil edilən qanun layihələri məlum olub.

“Report” xəbər verir ki, bunu komitənin bu gün keçirilən iclasında komitə sədri Musa Quliyev deyib.

Onun sözlərinə görə, komitənin 2020-ci il payız sessiyası üçün işlər planına iki məsələ daxil edilib:

“Bunlar “Turizm haqqında” və “Xeyriyyəçilik fəaliyyəti haqqında” qanun layihələridir. Sessiya ərzində bir neçə qanunlara da əlavə və dəyişikliklərin edilməsi nəzərdə tutulub”.

Komitə sədri bildirib ki, “Xeyriyyəçilik fəaliyyəti haqqında” qanun layihəsinin hazırlanması Soltan Məmmədova həvalə edilib: “Onun rəhbərliyi ilə komitədə İşçi Qrup yaradılacaq”.