Yuxarı

Milli Məclisin plenar iclası başlayıb

Deputatlar Hesablama Palatasının hesabatını müzakirə edəcəklər
© Report

Bakı. 18 may. REPORT.AZ/ Azərbaycan Milli Məclisinin növbəti plenar iclası başlayıb.

“Report”un xəbərinə görə, Oqtay Əsədovun sədrliyi ilə keçirilən iclasın gündəliyinə 10 məsələ daxildir.

Deputatlar Hesablama Palatasının hesabatını müzakirə edəcəklər.

Gündəliyə daxil olan "Təhsil haqqında", "Penitensiar müəssisələrdə cəza çəkməkdən azad edilmiş şəxslərin sosial adaptasiyası haqqında", "Dövlət qulluğu haqqında", "Yanğın təhlükəsizliyi haqqında", "Sanitariya-epidemioloji salamatlıq haqqında", "Dərman vasitələri haqqında" qanunlarına dəyişikliklər texniki xarakterlidir.

İclasda Əmək Məcəlləsinə dəyişiklik layihəsi də müzakirəyə çıxarılacaq.

Bundan başqa, yeni hazırlanan "Ələt azad iqtisadi zonası haqqında" (üçüncü oxunuş) və "Azərbaycan Respublikasının Hesablama Palatası haqqında" qanun layihəsi (ikinci oxunuş) müzakirə olunacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi