Milli Məclisin deputatı Londona səfərə gedəcək

Bakı. 6 noyabr. REPORT.AZ/ Azərbaycan Milli Məclisinin Beynəlxalq münasibətlər və parlamentlərarası əlaqələr komitəsinin sədr müavini Sevinc Fətəliyeva Londona səfər edəcək.

Parlamentdən “Report”a verilən məlumata görə, səfərdə məqsəd noyabrın 7-8-də Londonda keçiriləcək Qadın millət vəkillərinin Dünya Konfransında iştirak etməkdir.

Böyük Britaniya Parlamentinin Qadın və Bərabərlik Nazirliyi ilə birlikdə keçirəcəyi konfransda qadınların siyasi həyatda rolu, bu sahədə qadınların səylərinin artırılması mövzularında müzakirələr aparılacaq.