Milli Məclisdə 2025-ci il üçün Azərbaycanın dövlət büdcəsinin müzakirələri başlayıb

Milli Məclisdə bu gündən etibarən Azərbaycanın 2025-ci il üçün dövlət büdcəsi zərfinin müzakirələri başlayıb.

“Report”un məlumatına görə, ilkin olaraq ilin əsas iqtisadi sənədi parlamentin İqtisadi siyasət, sənaye və sahibkarlıq komitəsində müzakirə edilir.

Qeyd edək ki, Maliyyə Nazirliyinin Milli Məclisə təqdim etdiyi layihəyə əsasən, 2025-ci ildə dövlət büdcəsinin gəlirlərinin 38 milyard 316 milyon manat (2024-cü ilin təsdiq olunmuş proqnozuna nisbətən 5,3 % çox), xərclərinin isə 41 milyard 367,6 milyon manat (4,1 % çox) olacağı gözlənilir.